陳豪、李佳芯（Ali）、陳瀅、蕭正楠、曹永廉和楊詩敏，日前擔任由林盛斌（Bob）與伍詠薇主持的訪談節目嘉賓，被問到有否請助手難忘的經驗？陳豪自爆曾經被助手戀上，「好多年前，佢跟咗我大約2年，我完全唔察覺，佢係一個好能幹嘅女仔，成日都會想唔同辦法去幫我，佢話我知佢鍾意咗我，不過我當時有女朋友，都唔係好記得自己點答佢，但我都有自省係咪做咗啲咩令佢誤會，我只能夠講我係正人君子。我冇炒佢，後來佢自己辭職。」
Ali近年才開始聘用助手，最難忘的事就在今次訪問前一刻發生了，她說：「就係啱啱撞咗我架車，可能佢比我仲心急，怕我遲到，倒車時唔小心。算身外物啫！都撞咗轉個頭佢買返番杯咖啡畀我就算，唔會叫佢賠。」陳瀅曾經在溫哥華做過牙醫助理，有過懷疑「#metoo」的經歷，她形容當時要溫習熟讀牙醫的用品，但該牙醫陪她溫習時突然用手輕拍了她的大腿一下，令她感到怪怪的。
蕭正楠則難忘在內地聘請的男助手，長期娘娘腔兼陰聲細氣，喜歡超近距離「咬耳仔」交談，他笑說：「我唔知係佢貼心，定真係貼心得滯，我換衫佢趕晒啲人出去，但佢自己唔出去囉！」曹永廉也談到在內地請女助手的經歷，直接跟對方同房睡，「我住套房，佢瞓廳，主要因為有咩佢可以幫我攔住，平時太多女演員衝入我房。」曹永廉還自爆一次尷尬經歷，他說：「我識個內地PR負責搞騷，成日話搵我食飯影相，但識咁多年一單工作都冇畀過我。有次佢又搵我，我就忍唔住用電話錄音不斷用粗口同阿蕭呻，點知錯手Send咗畀佢（PR）。」
主持又問到嘉賓覺得心目中最貪靚的圈中人是誰？伍詠薇率先爆是陳山聰，十隻手指都戴滿戒指，將所有家檔在盡現人前，相反她自己在家幾日先換一次睡衣，試過3、4日無洗頭、無沖涼：「不過唔係成日都係咁，我有洗重要部位，用廁所馬桶洗，不過我朋友話其實都除咗衫褲，點解唔沖埋涼呢？就係因為懶囉！」
蕭正楠踢爆曹永廉非常貪靚，平日會為一次活動，事前去淡斑、種針等，他指阿廉曾經因為拍古裝擔心太肥而接受「辣椒油推肚」減肥療程，阿廉直言：「我返大陸見佢哋用辣椒油推肚咪去試，點知中途急尿，我一去廁所除褲，啲油就成身都係，去小便直情係灼熱。」
而陳豪就大爆黎姿好姿整，他笑說：「向來畀大家嘅感覺好公主，有次我同佢去西藏拍嘢，因為當地氧氣比較稀薄，佢為咗想要更多氧氣，就四個角落都放樽氧氣，當有需要就可以隨時噴，可能咁樣可以有充足睡眠，補養皮膚。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|