2020年12月14日星期一

同鍾舒漫金錢糾紛提和解方案陳潔玲爆鍾舒祺：佢打嚟爆粗鬧足一小時 #鍾舒漫 #鍾舒祺 #陳潔玲

同鍾舒漫金錢糾紛提和解方案陳潔玲爆鍾舒祺：佢打嚟爆粗鬧足一小時

鍾舒漫兩姊妹一條心，事後鍾舒祺代姐姐用粗口狂鬧陳潔玲。

早前陳潔玲跟鍾舒漫（Sherman）合作投資抗疫產品發生金錢糾紛，本月22日對簿公堂，事件中爆出阿Sher男友係副導林灝軒（Steve），同時間流出妹妹鍾舒祺爆粗聲帶，不滿Steve竟要鍾母幫佢洗底褲，又趕她父母返內地住。今日陳潔玲到銅鑼灣出席陳樂榣新店開幕時笑稱，只是4萬元小數目，所以心情沒甚麼特別受到影響，最擔心當日早上9時上庭不知醒。她坦言也想和解，所以今天將透過律師發信給鍾舒漫提供方案，看看她會否同意。

早前有報道指，Sherman胞妹鍾舒祺從陳潔玲男友Victor得知，陳潔玲精神狀態不穩。陳潔玲着火回應說：「有時講說話最好有證據，不如話我媽媽係處女…咁大個人，說話前應該用吓個腦，講說話要負責任，唔係事實會影響到其他人。其實事件係鍾舒漫好抗拒簽協議書，佢妹妹就打嚟係咁用粗口鬧足我1小時，就係因為呢個電話，將和解件事件拉倒咗。」至於鍾舒祺罵姐姐男友的聲帶，外傳由陳潔玲向外發放。對此，陳潔玲說：「佢（鍾舒祺）周圍同人講，佢姐姐男友嘅嘢，其實喺朋友圈，每個人都聽過佢點數臭呢個人，（聲帶唔係你傳出去？）佢有證據咪拎出嚟囉！」