閃到盲呀！
一向走性感路線的文凱玲，自墮入愛河後便「從良」改以密實打扮，4個月前更約滿王晶公司，回復自由身。由於疫情影響，打亂了原定的工作計劃，故把心一橫協助男友事業，擔任對方開設的英文興趣班御用短片模特兒。
兩人原定今年結婚，但禁聚令關係，令婚禮被迫延至明年，不過近日他們已開始為婚事張羅，日前被發現走訪多間婚紗店取經，期間又不停詢問店員，但似乎款式未合心水，及後轉移陣地去Shopping。
二人專攻床上用品，還拿起枕頭把玩，不過最終都「混吉」收場，乘扶手電梯之際，情不自禁攬作一團，文凱玲更不經意騷出手上2卡求婚戒，之後他們拖住手甜蜜買飲品，不介意於街頭交換口水，一支兩份飲，期間更咀嘴放閃，咀足幾次才離開，認真黐纏！
她受訪時透露現時自己傾工作：「應該明年初先有工開，不過之後都會同晶哥合作嘅，暫時幫住男友學校先，佢開緊Zoom教學，另外佢都有教法文同歷史，托賴疫情唔太影響收入。（幾時擺酒？）應該都要明年，但一定會擺酒，等親戚朋友一齊見證。」
來源 source: http://hk.on.cc
|
鍾意就快D Share啦！
|
|
|