來年望開演唱會 馮允謙：仲想貪心啲中六合彩同結婚
馮允謙（Jay）接受TVB娛樂新聞台節目《StarTalk》專訪，對成為全港唯一一位歌手在2020年推出兩張唱片，Jay說：「自己都估唔到，今年因為疫情好多公司都煞停出歌出碟計畫，所以感謝公司仲幫我繼續造歌，見年頭唱片《Detour》反應好，所以嗱嗱聲繼續造歌，唔想畀自己停。」
對於今年成績理想，更被網民推舉成為男歌手三甲熱門人選，Jay說：「自己冇諗過，從來壓力都係來自自己，我知道自己未必係人哋眼中最成功嘅歌手，所以我就要更加努力再做好啲，但我好感恩依家所得到嘅。來年希望可以貪心啲，除咗開到演唱會外，希望仲可以中六合彩同跟女友結婚。」
談到新碟中的《小康》，Jay說：「呢首歌係講屋企人，想送畀爸爸媽媽同嫲嫲，多謝佢哋。我寫呢首歌嘅時候嫲嫲仲未離開，碟中版本佢未聽過，希望佢係上天聽到。（同嫲嫲關係如何？） 喺加拿大時，由嫲嫲湊大，我同佢關係好Close，我日日喺廚房嘅飯枱彈結他唱歌畀嫲嫲聽，佢成日讚我唱歌好聽，仲畀好多鼓勵我，所以每次聽到呢首歌都觸到我心，特別係個結他Solo，聽到嘅時候會有好多同嫲嫲嘅回憶出現。」
來源 source: http://hd.stheadline.com
|
鍾意就快D Share啦！
|
|
|
