羅家英和楊玉梅昨晚獲邀請，亮相由林文龍和打機達人林慧韡（達哥）主持的亞洲心動娛樂節目《今晚有牌打》，家英哥當然成為焦點，他分享與太太汪明荃（阿姐）的生活點滴，楊玉梅指自己有點不明白，經常見不到家英哥跟阿姐到海邊執垃圾，家英哥說：「Er......我都唔知點解，因為我唔鍾意同佢一齊行嗰條路，因為佢往東行，我就往西行，咁大家先唔踫頭吖嘛！」
家英哥在電影《西遊記大結局之仙履奇緣》飾演「唐三藏」一角，最令人印象深刻，他即席獻唱《Only You》，但他事後指阿姐不喜歡聽他唱歌。楊玉梅笑說：「唔係喎，我同家英哥登台嘅時候聽到啲嘢喎。」家英哥叮囑她小心說話，楊玉梅說：「恐嚇我？我唔驚勢力喎。我同家英哥登台，佢喺我隔離間房度，佢急急腳拎住個電話『皇太后吉祥！』。」家英哥即說：「冇個『皇』字，太后啫！」
達哥指家英哥是一個很Man、霸氣型的男子，羅家英笑說：「表面嘢，唔好信！其實我係鵪鶉，例如佢講嘢，我唔敢出聲，又唔敢駁嘴，唉...總之...」楊玉梅問道：「你講嘢，阿姐駁唔駁嘴？」家英哥表示：「佢直情係反對我講任何嘢，即係我講任何嘢，佢都話我唔啱，佢啱，佢用佢角度將你嘅嘢冚低咗。」林文龍聽完指家英哥深不可測，「深到離晒地，死梗！」達哥指這類男人被稱為「老婆奴」。網絡上曾經有人表示買了玩具回家，首先要過被稱為「海關」的老婆一關，家英哥指自己很孤寒：「我好少買嘢，但我一買親嘢返去，佢就鬧，佢話『你又買嘢返嚟，帶啲咩返嚟呀，垃圾嚟嘅啫，屋企乜嘢都有，你攞咩返嚟啫，你攞呢啲紙袋、盒返嚟，我同你掟晒佢！』因為佢有潔癖。」
達哥提到家英哥在《國產凌凌漆》飾演「達聞西」一角，家英哥：「同周星馳、李力持第一次合作，去元朗拍，10點鐘去到，一直坐到5點先拍到我，我諗住科學家，着住西裝型型哋吖！佢話唔係，着件笠衫、短褲、拖鞋，其實我係一萬個唔Like，心諗『搞乜嘢呀，科學家梗係型啲』，算啦，我啱啱踏入電影行業，我好新，咁咪照做囉！」他大讚周星馳轉數快，續說：「佢哋叫我由呢度去到嗰度，見到豬肉佬（周星馳），又要講句對白『力拔山兮氣蓋世』，我心諗不如用舞台嘅台步，於是我就攞住兩抽餸出場，跟住撐...撐...撐...撐...『力拔山兮氣蓋世』，撐，你仲唔死周星馳，睇你點答我，佢又厲害喎，用咗我嘅語調去講『時不利兮騅不逝』，大家冇排過，厲害！你點嚟佢點答，呢啲就係高手囉，仲要一Take過！」
楊玉梅談及有傳周星馳難相處，要求又好高，家英哥說：「呢個係佢後期嘅事，所以我答你唔到，因為我冇親身經歷，我同佢拍嘢係非常之開心。」楊玉梅說：「我未入行已經同佢（周星馳）拍過嘢，當時我係做模特兒特約，有場戲講我路過，然後星爺拉住我，但星爺真係好突發性，因為導演冇同我講，星爺拉住我『好耐冇見你』，然後就咀我，kiss完我就好愕然，因為冇叫我做呢樣嘢。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
