係咪你心水，AGA仲平埋王菲紀錄添！
《叱咤》女歌手獎向來矚目，金獎是AGA、銀獎是亞視出身的陳蕾，銅獎由謝安琪奪得。拿了唱作人金獎的AGA再攞埋女歌手金獎，平了當年王菲的紀錄！台下她激動掩面，之後致謝大家說：「真係冇諗過，多謝DJ播我嘅歌，賞識我嘅創作，2020年令我作每一首歌前都問多咗個問題，點解要寫呢首歌？點解做音樂，爸爸由細到大都畀我聽音樂，音樂陪我好多人生路，好榮幸成為唱作人，希望畀多啲力量大家，陪伴大家。」
陳蕾奪銀獎，在台下已感動落淚，她說：「多謝畀我咁大嘅肯定，11年前由廣州落嚟嘅女仔點會諗到可以行到上嚟攞獎，今日好多Cam Man係亞視，睇住我成長，開心見番亞視舊同事，呢個世界更多係沒法預料，學識更懂得珍惜當下，估計唔到就唔好去估計。」
至於奪銅獎的謝安琪說：「好開心，多謝主辦排除萬難舉辦呢個活動，過去1年各行各業停頓，我哋做音樂都好艱難，今晚開心可以聚埋一齊互相祝賀，今年有份出席已係榮幸，多謝咁多歌手冇得獎都嚟出席。」
來源 source: http://hk.on.cc
|
鍾意就快D Share啦！
|
|
|
