31歲龔嘉欣12年前拍攝錢國偉的青春劇《盛裝舞步愛作戰》獲邀簽約TVB，過去除了贏過無綫台慶最佳女配角獎外，也獲得「緋聞女王」稱號，2013年跟鄧健泓分手後，先後與周國賢、許家傑、關楚耀、沈振軒、張振朗、吳業坤等傳過排聞，最近又被傳去年10月已跟大馬有米男友Bryan分手。
龔嘉欣日前接受商台《1圈圈 星光背後》訪問，笑認一向容易招惹是非和緋聞，以前初入行不懂分辯解釋，成長了後就覺得必需說清楚，所有緋聞都不真實，全為拍劇合作或居住地方很近而被傳。而有次她和周國賢合作拍旅遊節目，傳她拍對方酒店房門，嘉欣直言這是感到最憤怒的一次：「事後我都有同周國賢講番呢件事，他都話知道係邊個做，嗰次根本唔係我，點解出嚟變咗係我呢？嗰時當然好唔開心，當時初入行，無諗過無事實根據嘅事能變成娛樂新聞，仲要發生自己身上，當時唔識處理，其實我一直都想講，今日終有機會講，呢件事好離譜，係無中生有，大家都可以問番周國賢。」
至於被指和富貴男友Bryan拍拖後，買千萬豪宅兼揸名跑出，她否認說：「好得意，緋聞由開始到結束，當時人嘅我都唔知，邊有千萬樓價咁多，只係兩房自住單位。由細到大我都會儲錢，亦知道要有瓦遮頭，我好慳，唔鍾意買名貴手袋或者靚衫，間屋係我用儲落嘅錢再加首次按揭買，按揭成數好高，要月供。」
對於一眾「少婦聯盟」好友僅餘她還是單身，嘉欣笑言不會羨慕陳凱琳或譚凱琪等已成為人妻人母：「我會戥佢哋開心，睇見佢哋抱BB好溫馨好幸福，我都幻想過快啲結婚或生小朋友，但我努力咗10幾年，先發現我好鍾意演戲，如果而家有男朋友要求我結婚放棄事業，現階段唔會甘心囉！」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
