叱咤樂壇頒獎禮昨晚圓滿結束，被譽為近年比較公正的頒獎禮，當然引起熱論，不少網民開post戥偶像食白果感到不值，有人歡喜有人愁，昨晚有些歌手得獎確是實至名歸。
RubberBand在林海峰一句「香港人眼睛係雪亮」下，冧莊奪得「叱咤樂壇我最喜愛的組合」，同時奪「叱咤樂壇組合」銀獎。6號、阿偉及泥鯭笑稱沒想過冧莊，阿偉說：「其實唔係好記得，好似拎咗3次。」他們感謝投票給RubberBand的香港人，感謝大家支持。
問到日後做音樂比較難，6號稱堅持做音樂有個人風格：「幾時都係難，明白市場上面有唔同風格，大家做緊各自喜歡嘅音樂，喺台上攞獎得到嘉許，代表咗其實自己做嘅事，有自己風格係好正常，唔會因為唔同人嘅風格、唔同嘅認受性而去改變自己方向，咁樣未必係自己想做，所以做返大家自己鍾意做嘅嘢就得。有人覺得有共鳴，而自己做音樂又會有共鳴係最緊要。」
RubberBand在台上再次唱出去年作品《漫長》，6號解釋：「呢首歌係記載咗過去兩年香港人及呢個城市，同埋我哋嘅情緒，唱呢首歌都係好艱難嘅事情，進入人生最後嘅階段，對我嚟講唱呢首歌好困難，加上2019年社會運動，2020年疫情，香港要漫長戰鬥，其實好貼近香港現況。」阿偉稱唱這首歌除了給大家力量，這首歌也是給自己力量。
歌手江海迦（AGA）今年成績不俗，奪「叱咤樂壇女歌手」金獎及「叱咤樂壇唱作人」金獎，賽前AGA身穿的戰衣被笑似「青口」，AGA擸兩個大獎，心情靚爆，AGA笑言：「係呀！呢個青口旺我，好開心，今年拎到唱作人金獎覺得特別有意義，因為以前同家姐一齊工作，當時我哋坐台下，家姐同我講一定要攞呢個獎，到佢之後病咗……家姐以前年年叫我拎呢個獎，所以今年拎到個情緒就激動啲，因為我應承咗家姐。」AGA跟家姐感情深厚，胞姊於2015年因末期肺癌病逝，多年來AGA謹記當初對家姐的承諾。
講到今年贏勁敵Gin Lee，AGA大豐收，Gin Lee卻捧蛋，AGA謙虛地說：「唔係！每個人都有不同timing嘅時候，同埋今年我都好努力做嘢，2020年真係冇停過，一直都好忙，同老闆及工作班底傾工作及音樂，要求好高，差唔多24小時on call隨時工作。」被問奪得女歌手金獎壓力會否變大，AGA說：「其實每年頒獎禮完咗，我都會當由零開始，每年都好似重新嚟過，會諗自己可以再做啲咩畀個樂壇，已經出咗第三隻碟，為廣東歌再做多啲嘢。今年都會再出碟，頭先完騷，老闆都叫我換衫返Studio再開工，原本係想同媽咪去日本慶祝，不過而家都冇得去旅行，惟有帶佢去DONKI 。」
關智斌今年憑《暫定》拿「叱咤十大」第7位，覺得喜出望外，他表示好開心：「如果唔計17年前，同Boy’z拎組合獎之後，呢個係我第一個叱咤個人獎，因為以前個獎係放喺拍檔屋企，原來呢個獎真係好重手，覺得好難得可以拎到呢個獎。夜晚要攬住個獎嚟瞓，公司同製作團隊都幫咗我好多。」關智斌笑言暫時未想拿男歌手獎：「拎呢個已經好開心，對我嚟講係畀我好大嘅動力繼續去做音樂，因為之前喺社交平台都係post廣告嘅嘢比較多，今年希望專注在音樂。」
許廷鏗今年在香港樂壇相當努力，去年拿銅獎，今年奪男歌手金獎，又憑《無力感》擸「叱咤十大」第四位，成績有目共睹，他說：「係！今年有進步，舊年森美大哥覺得我致詞嗰陣講得太長，仲講呢個係我嘅目標，今年真係攞到，有舊公司同而家嘅公司造就咗今日嘅許廷鏗。」
講到網民想許廷鏗做新一集《全民造星》導師，許廷鏗稱未收到通知：「頭先有喺台上面諗我係唔係要多謝ViuTV，多謝花姐揀咗我做評判，其實花姐都有問過我想唔想再玩，暫時係未知之數，隨緣但係呢件事係開心，有呢個節目就令大家對音樂再次提升關注，2021年我會繼續努力做音樂。無論點都好，我都想同親密嘅戰友、我嘅團隊慶祝吓，分享喜悅，點都會慶功。『萬歲』冇問題，但要一齊食嘢係一個難題。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
