商台「2020年度叱咤樂壇流行榜頒獎典禮」昨晚順利完成，賽果亦已塵埃落定。整晚頒獎禮中，相信最受網民討論和最具爭議性的獎項，就是成為叱咤史上攞「我最喜愛的男歌手」大獎的姜濤，他還一次過擸埋「我最喜愛的歌曲」大獎，成為「雙飛」大贏家。上台一刻，驚魂未定的姜濤，一直keep住馬明式O嘴，好彩唱得獎歌依然保時到水準，否則就有負fans神聖的一票。
完騷後，連登網民似乎意猶未盡，連開多個post討論姜B是否值得攞獎，結果引來正反雙方激烈爭議，網民甚至摷返兩年前古天樂奪「我最喜愛的男歌手」一事和姜濤作比較。撐姜B網民說：「我覺得比起古天樂，姜濤仲值得攞」、「要X我一定X投古天樂嘅人先！」、「古生又唔係好恨呢個獎，其他做音樂嘅歌手又俾大眾為咗綽頭而犧牲。」亦有自稱是姜糖的fans撐偶像說：「真心姜濤唱跳都唔錯，live又keep到，亦都好畀心機，最重要呢個係投票投出嚟！」、「姜仔今晚唱live好過唔少出道多年嘅所謂歌手」更有人說：「唱live仲穏過唱咗十幾年嘅關智賓（斌）。」不過亦有網民指姜濤之所以攞獎，全靠fans用太空卡投票。「你有冇買大量電話卡投票？人哋fans真係咁推個偶像上神枱！」有人更建議下年叱咤搞頒獎禮，要正視同杜絕呢個問題咁話。
除了姜濤攞獎備受熱議外，網民對於Gin Lee全晚食白果亦感到不值，有人留言說：「其實今年Gin同Aga都好好成績，903唔肯定Gin，請佢食白果好唔fair！」、「平心而論，真係唔明點解Gin Lee個三步曲一首都攞唔到！」、「同一間公司，Gin Lee同AGA都有實力，但落差咁大。」另一方面，有人亦戥林家謙失落創作人一獎感到唔抵，更認為商台「迫害」他，亦有網民自我安慰說：「算啦，謙仔都佛系，獎唔代表啲乜嘅，多樂迷欣賞咪得囉！」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
