「新疆四美」之一嘅迪麗熱巴魅力驚人，佢回眸一笑百媚生，多人追簡直就合理合邏輯，不過佢自己都萬萬冇諗過會一直被求婚，近日佢就被一位男子手捧鮮花高調下跪求婚，對方更拎出自製紅布條及百萬名車，場面極盡浮誇！
男子手上捧住大大束鮮花，企喺在一架瑪莎拉蒂前，其朋友於身後拉起寫住「迪麗熱巴嫁給我吧，宇文斌斌愛你」紅布條，又直接單膝下跪大膽示愛，後方橫幅就換成「自駕游新疆，求婚迪麗熱巴」，並對鏡頭話要將林寶堅尼、法拉利全都送畀女神，聲勢浩大吸引圍觀。
網友翻查資料，原來呢位「宇文斌斌」係位擁有百萬粉絲嘅網紅，過去9個月多次向迪麗熱巴求婚，甚至守喺對方劇組長達10日，而早於2017年佢就開始呢個求婚舉動。
而「宇文斌斌」阿妹都一樣咁「吸睛」，妹妹複製同一套模式，穿上白紗、開保時捷向大陸紅星肖戰求婚，話願意叫屋企人投放5億人民幣一同拍攝大陸劇《陳情令2》，不過2人浮誇手段就被批係炒作之舉。
來源 source: http://hk.on.cc
|
鍾意就快D Share啦！
|
|
|
