2021年1月12日星期二

【前空姐爆料】龔嘉欣差啲嫁入豪門　張振朗被爆「扮大哥」乞人憎 #張振朗 #龔嘉欣

【前空姐爆料】龔嘉欣差啲嫁入豪門　張振朗被爆「扮大哥」乞人憎

張振朗和龔嘉欣成《萬千星輝頒獎典禮2020》最受歡迎電視男、女角色，人紅是非即刻多。

YouTube頻道「Smart Travel」由前國泰空姐阿莎營運，她去年曾在直播中大爆空姐們最討厭的明星乘客，昨晚就大談《萬千星輝頒獎典禮2020》的「最受歡迎電視男、女角色」張振朗及龔嘉欣。片中阿莎大爆，身邊有一位經常到片場做臨時演員過戲癮的朋友，二人在幾年前偶然談起特別乞人憎的演員時，該朋友指張振朗愛「扮大哥」見高拜見低踩。阿莎似乎對朋友的說話深信不疑：「張振朗多謝完一大爛餐喺工作上幫到佢嘅人，之後多謝屋企人，仲有屋企隻哥基，但係都冇多謝佢身邊嘅女朋友，大家醒目都明㗎」對於張振朗在台上發表「一定要尊重別人，別人先至會尊重你」的言論，她又寸爆叫對方「唔好玩啦」！

前空姐阿莎在YouTube頻道「Smart Travel」大爆張振朗及龔嘉欣的秘聞。

阿莎又從其馬來西亞空姐朋友口中得知，當地好多人都知道龔嘉欣曾經有一位馬來西亞富二代男友，對方還打本給她開火鍋店又「啲錢任佢使」，阿莎續道：「呢個傻女有少奶奶唔做，自己放棄呢份愛情。聽講大馬豪門界已經收晒佢哋婚訊，原本真係可以嫁入豪門，不過佢對自己嘅演員職業有一份執着，放棄咗做少奶奶呢份筍工，專心事業，而家真係實至名歸。」其實早於前年已有消息指，龔嘉欣秘戀30歲的馬來西亞富二代Bryan，有傳男方打本予她開新火鍋店，亦有傳龔嘉欣快將嫁入豪門做大馬新娘，未料去年10月卻傳出「分訊」，有指二人因經常分隔兩地，最後結束一年的戀情。