《萬千星輝頒獎典禮2020》圓滿結束，當中奪得「最受歡迎電視男角色」嘅張振朗喺台上發表得獎感言，令到唔少網友大為感動。而早前爆藝人搭飛機秘聞嘅網紅「空姐阿Sa」指「張生」人前人後兩個樣：「我有個網友做臨時演員，做咗好多年，幾年前我問佢片場有冇邊個演員特別黑人憎？佢諗咗陣，佢話張生扮大哥，見高拜見低踩。」相反佢又指當年黎耀祥拎視帝嗰陣，指連隔籬廠清潔工都特登過去祝賀佢：「張生真係要學吓嘢，要人哋尊重你，係要做到一視同仁。要公司上上下下嘅人尊重你，咁先係真係受人尊重。」
而奪得「最受歡迎電視女角色」兼「馬來西亞最喜愛TVB女主角」嘅龔嘉欣，「空姐阿Sa」大讚唔單止做戲出色，更聲稱佢為事情而放棄嫁入豪門嘅機會：「我有位馬來西亞空姐，佢識得啲馬來西亞豪門阿姨，龔嘉欣曾經有位馬來西亞富二代男朋友，好識佢，啲錢任佢使，仲打本畀佢開火鍋店，但佢有少奶奶唔做，自己放棄咗呢份愛情，我聽到我朋友講，喺當地嘅豪門已經收到晒佢哋嘅婚訊。」
其實龔嘉欣被指有富貴男友並非今日嘅事，不過佢一直否認，對於此爆料，佢回應謂：「都唔係第一次聽到但都會接受呢個祝福，現階段自己好開心，會繼續專注事業。」
來源 source: http://hk.on.cc
|
鍾意就快D Share啦！
|
|
|
