張栢芝女扮男裝，不過祖兒都唔弱。女星張栢芝近日亮相內地真人騷《乘風破浪的姐姐2》人氣再度急升，最新一次演出，佢以古裝兼女扮男裝嘅扮相登場，見佢着上白色 ...
女星張栢芝近日亮相內地真人騷《乘風破浪的姐姐2》人氣再度急升，最新一次演出，佢以古裝兼女扮男裝嘅扮相登場，見佢着上白色為主的俠士打扮並束起長髮，英姿颯颯隨即艷壓全場，其古裝美顏更令唔少人憶起其古裝代表作《河東獅吼》，而「張栢芝古裝夢回河東獅吼」嘅話題亦火速登上熱搜榜。
與此同時，其男裝造型亦同佢於2003年電影《老鼠愛上貓》中嘅反串扮相非常相似，相隔足足18年外表幾乎零變化。另外，天后容祖兒則以大露背兼開高衩露腿裝應戰，其中佢更表演踢躂舞，展現一流「舞功」！
