莊文強執導英皇新戲《金手指》 任達華方中信姜皓文齊鬥戲
由莊文強執導及編劇、黃斌監製的英皇電影《金手指》今日舉行發布會，電影由影帝級人馬梁朝偉、劉德華及任達華孭飛，方中信、蔡卓妍(阿Sa）、姜皓文、錢嘉樂、陳家樂及周家怡等演出，英皇集團主席楊受成博士亦有現身支持。
任達華表示新片背景發生於7、80年代的香港，是一部反貪電影，而方中信則指聽完電影故事覺得幾特別，因為80年代的社會環境同氣氛跟現在完全不同。提到在艱難環境下都有老闆投資，亦要搭景拍攝，相當有心。他表示三月多才開始拍攝，跟梁朝偉會有對手戲。而任達華則表示4月先開工，跟多位演員都有對手戲，但跟梁朝偉比較多。
對於曾志偉入主TVB任高層救亡，問錢嘉樂可會回巢幫手？他笑言對方應該好多會要開，亦承認兩人曾見面，不過只是一齊食開年飯，沒有談及工作，何禮全並不在現場，自己亦心繫電影方面。問到可會隨時候命回巢，他說：「一定！合作咁多年。」他透露為《金手指》演出兼擔任動作導演，戲中以80年代香港作背景，飾演警察的他，與劉德華和梁朝偉有對手戲，還笑稱今次唔使死。
姜皓文（黑仔）好開心有份參與，因為可以跟兩大影帝梁朝偉及劉德華合作，對住兩人亦有不同演出的方法。問到跟梁朝偉和華仔合作可感大壓力？他坦言好大，就連今日出席發布會也大壓力。他說：「我同經理人講，如果可以企中間跟兩個影帝影張相就好，因為好少機會可以同這些卡士演出。」
有馬來西亞血統的黑仔在戲中飾演馬來西亞華人，雖然不用講馬拉話，但要講好多帶口音嘅廣東話，亦會有動作戲，並會在香港不同地方拍攝，幾日後就正式開工。對於戲院重開，有份演出的《拆彈專家2》反應很好，黑仔表示觀眾忍了好耐，《拆彈專家1》好特別，該片令他在香港及馬來西亞奪得第一個獎項，希望牛年人人有工開，香港電影繼續旺落去。
Error成員阿Dee有份參與的ViuTV新節目《家多咗個PET》將播放，他表示高層魯庭暉只想更多人睇電視，自己只是蝦兵蟹將，但認為有競爭是好事，可以有更多選擇同百花齊放，亦可以給機會年輕人。他更透露有份演出的新節目《口罩小姐》已完成拍攝，預計3至4月推出，而Error亦會開拍新自肥企劃，感覺似「香港Error遊」。問到可需騷肌？他笑說：「唔騷，無乜嘢騷。（受力捧！）力捧Error，我都係受惠一份子。」談到可有關心受負面新聞纏身的隊員保琦，他表示沒有回應。
|
鍾意就快D Share啦！
|
|
|
