2021年2月20日星期六

【識玩】花姐公開趕客黑歷史呂爵安自嘲反白眼界王子 #花姐

【識玩】花姐公開趕客黑歷史呂爵安自嘲反白眼界王子

Edan本身都係一個靚仔嚟嘅，所以反白眼都唔算太恐怖。

MIRROR嘅呂爵安(Edan)最近好紅，Solo、拍劇及綜藝瓣瓣掂，被拍檔戲謔為ViuTV一哥，拍住佢先有運行，搞到Edan好老尷：「唔好再煲我喇！」

Edan人紅冇乜是非但就有黑歷史，經理人花姐喺IG限時動態透露想清吓電話入面嘅相，然後有所發現，就係呂爵安嘅反白眼短片，然後再Post一張靚仔相，仲留言問:「究竟係咪同一個人?」翻睇反白眼片多次，發覺當事人做得好自然，應該訓練有數，花姐Tag埋 Edan，一向玩得嘅Edan冇詐型，仲大膽面對自己嘅黑歷史，稱呼當年嘅自己為「反白眼界王子」，一招以退為進，好嘢好嘢。