張致恒（Steven）居住於元朗的村屋外日前被貼街招追數，信箱也塞滿追數的紙張、信件，更指Steven疑「着草」，上個月已經搬走，並被發現Cut電話，依家仍然同外界失聯。不過有消息指，佢已從元朗村屋秘密搬到石崗居住，租住新型村屋地下一層，新居更有個數百呎大花園，租金要萬多元，以「兩按一上」再加搬屋及傢俬雜費，估計需要花10萬蚊。
有人指曾目睹Steven同太太及2個囝囝到市中心濕平，搭的士出入，一家4口先後到玩具店、寵物店、水族店購物，消費力未見減弱，喺元朗買足2個鐘再上的士走人。
而Steven太太雯雯就於社交網訴苦：「唔再生存，係咪先可以畀我哋平靜過？」
早前被𡃁模馮鎵瀠（Naomi） 大爆「借錢唔還」嘅佢，其老友張彥博、林盛斌等都承認有借錢畀佢，當時Steven指自己失業先會無力還錢，向債主公開道歉外，又承諾有拖無欠。而林盛斌得知Steven搬靚屋時，就表示唔會再追佢還錢，相信對方有能力嘅時候會努力償還債務。
來源 source: http://hk.on.cc
|
鍾意就快D Share啦！
|
|
|
