2021年3月18日星期四

【好玩唔玩玩屎】用大醬扮屎嚇妻兒　HaHa二仔嚇到崩潰狂叫

HaHa童心未泯，日前在個人YouTube Channel拍片整蠱仔女。

活躍於各大綜藝的HaHa（河東勳）以大細路著稱，即使已41歲都仲係童心未泯！日前他在個人YouTube Channel「하하 PD HAHA PD」挑戰韓國十分流行的Prank，以大醬扮屎嚇小朋友！育有兩子一女的HaHa拍片整蠱仔女，為求逼真啲，他在接大仔Dream放學時開始扮肚痛，點知被對方問係咪又要Prank，極速失敗！

其後HaHa坐在馬桶上大叫仔女幫手拎濕紙巾，二仔Soul見枱面紙巾有「屎」即中計，當他把濕紙巾遞向爸爸時，HaHa就將「屎」揩到對方手上，搞到Soul即喊晒口兼瘋狂尖叫，仲問爸爸：「做咩要屙屎！」場面爆笑！至於細女Song就俾人Prank咗都唔知，直接帶埋手上嘅「屎」行開去。HaHa又即興整蠱埋歌手老婆星（金高恩），見她一味傻笑望住老公，都唔知好畀咩反應好，非常無奈！