廖啟智安息禮︱智叔生前最愛電影《籠民》陳敏兒:佢話30年後無改善 劏房係香港人嘅恥辱
- 發布日期：2021-04-20 17:10
已複製
廖啟智安息禮於今日下午二時半，假尖沙嘴聖安德烈堂舉行，家人以短跑選手形容他的人生:「全程用晒所有拚勁，全力以赴，無一刻俾自己停落嚟，衝到最盡，佢係全力以赴，做好人生每個角色。」
在悼念片裡，道出智叔追夢的崎嶇與毅力，生前他在訪問說:「第一份職業就係喺片場做錄音室助理，去攝影棚負責收音，到後來就去做攝影助手，從而到無綫訓練班，我覺得自己都係時候，所以就嘗試去考。我記得係曾經失敗過，當我完成三個面試階段後，滿懷信心，以為自己可以加入訓練班，點知名落孫山。心裡面一直唔開心咗兩年，直至第八期再招考時，我就再戰江湖，再去報考，呢一次就成功被取錄。」
遺孀陳敏兒說:「佢真係好努力，寫信俾導演，向電影公司高層毛遂自薦，周圍敲劇團嘅門，希望別人俾佢機會，但好可惜都是無機會，那正正因為演戲夢想唔係一帆風順，故佢對年輕人特別有份同理心，如果佢哋想演戲，對電影有興趣，佢真係好樂意幫忙。」
「佢唔會理劇本收唔收得，只係單純地認為，只要你想發電影夢，想喺呢一行發展，佢都願意陪你跑一程，所以點解當時工作已經好忙，但仍願意接受浸大學院邀請為表演系教演技，正正佢想幫一班年輕人圓電影夢。」
- 遺孀陳敏兒說，當年智叔多次向電影公司高層毛遂自薦，周圍敲劇團嘅門:「希望別人俾佢機會，但好可惜都是無機會，那正正因為演戲夢想唔係一帆風順，故佢對年輕人特別有份同理心，如果佢哋想演戲，對電影有興趣，佢真係好樂意幫忙。」
- 生前為浸大電影系執教鞭，網紅程仁富是他學生之一。
片中有他在浸大為執教的最後一批學生，道出智叔給他們最後的教導，其中一位學生說:「佢話你要信做戲係真嘅！」，「佢最後一堂，竟同我哋講對唔住，佢話好後悔無迫我哋自律，作為一位咁資深嘅演員，跟我哋講對唔住，相信佢都需要好大嘅勇氣。」說罷那位女學生流下淚來。
演戲，除是他畢生志向與熱愛，還帶一份對社會的使命。陳敏兒在片中分享:「佢拍咗多套電影，問佢最愛邊套，佢話係《籠民》，我問點解，係咪因為呢套戲為你攞咗金像獎？佢話唔係，只係因為呢套電影，反映咗社會問題，拍戲就要拍呢啲戲，好有意義，但佢自己都話好諷刺，三十幾年前拍嘅《籠民》，講籠屋問題，三十幾年後嘅香港，呢個問題無改善，仲多咗一樣嘢叫劏房，廖啟智成日話，劏房係香港人嘅恥辱，佢雖然係一個小演員，但佢對社會基層嘅需要，有一個關懷嘅心。」
生前智叔接拍電影《十年》，他參演的單元，尤如預言一樣的《十年.本地蛋》，當中金句對白:「千祈唔好慣，就係因為我哋乜嘢都慣晒，先搞到你哋咁。」智叔，你透過電影表達對人對香港的愛，銘記於心。
- 智叔拍戲，還帶著一份使命感，就是透過表演，喚起社會對基層的關愛。
- 他參予過百部電影中，《籠民》是他最愛，因為:「呢套電影，反映咗社會問題，拍戲就要拍呢啲戲，好有意義。」
- 智叔的一位學生說:「佢最後一堂，竟同我哋講對唔住，佢話好後悔無迫我哋自律，作為一位咁資深嘅演員，跟我哋講對唔住，相信佢都需要好大嘅勇氣。」說罷掉下淚來。
----------------------------
壹週刊 31年 和你壹路同行
回顧31年走過的路
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
來源 source: http://nextplus.nextmedia.com
|
鍾意就快D Share啦！
|
|
|
