新增回應
只有3次道路實戰經驗的P牌仔陳嘉倩，早前在ViuTV推出全新真人騷《學神出沒注意》節目中做嘉賓，結果女神變馬路「瘟神」，拍攝期間，陳嘉倩不但在停車場撞毁鐵欄，在駛上公路期間，更險些和迎頭巴士相撞。節目出街後，陳嘉倩遭網民狂轟其駕駛態度及技術，甚至有人留言叫她為己為人，千萬不要再揸車出街。陳嘉倩今晚解釋指車牌是在上年5月考到，而節目在12月便開始拍，中間沒有揸過車，她說：「節目組原意係想節目中補鐘，所以參與節目嗰陣係未補鐘嘅。」
邊度跌低，邊度起返身，陳嘉倩經過補鐘惡補駕駛技術後，在昨晚新一集再次挑戰「死亡」公路和超高難度的泊車位。可是，即使有豐富駕駛經驗的Alex傍實指導，依然發生不少驚險場面，其中在上龍翔道時，由於陳嘉倩一直維持龜速慢駛，並駛入旁邊的貨櫃車的「盲點」，貨櫃車司機切線爬頭時，陳嘉倩差點撞上對方車尾，在緊急關頭下，Alex大嗌「煞車」，此時，嚇到魂不附體的陳嘉倩，即cut雙白線煞停。停車後，陳嘉倩顯得一臉惶恐，更坦言「我真係好想喊！」不過之後又為自己平反說：「其實我冇做錯呀，係嗰個司機唔啱呀！」還說：「睇見靚女都唔讓！」
之後，陳嘉倩按Alex要求，要在出名難度甚高的停車場泊位，Alex更說：「呢個停車場之前黃秋生、余文樂拍《車手》套戲都出現過。」進入停車場後，Alex示意陳嘉倩泊一個面積超細兼打斜的車位。最初陳嘉倩似模似樣慢慢將車溜入車位，可是泊了一陣，她察覺車位旁邊有多條石柱，加上對頭亦泊了其他私家車，陳嘉倩顧得車頭又顧唔到車尾，最終車尾撞到石柱，車身亦「卡」在另一條柱中，令私家車「動彈不得」，雖然最終人冇事，但車身卻「傷痕纍纍」，相信拍完這個節目後，要即入廠大修。連《墳場新聞》總編輯青永屍睇完節目都忍唔住在facebook留言：「其實應該叫蔣師傅長跟倩姑多幾集先啦，阻住其他用路人嘛……」、「唔怪得ViuTV蝕錢」
對於自己被指是「公路炸彈」，陳嘉倩透露自己路試操車有幾個月時間，而且一次便考到。她認真地說：「喺節目出街之後，我都有好認真檢討同反思過，覺得自己喺馬路嘅經驗同技術有好多好多不足嘅地方，雖然當初去考車時都有好認真去練習同操車，但真正揸出馬路嘅時候，可能有好多突發情況，原來仲有好多地方要去學習，同埋真係揸出馬路係另一回事，所以現階段都真係做番乘客算，多謝節目組，同師傅一路以嚟嘅支持同指導，仲有大家嘅包容，如果有咩地方做得唔好同做成不便，都要同大家講聲唔好意思。」
-----------------------------
蘋果初心不變！26周年「撐蘋果Tee」預售：
你的優惠訂購（海外訂購按此）
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
