藝人高海寧（高Ling）早前敷黑色面膜玩深夜嚇鬼後，日前擔任方力申和當奴主持的節目《鬼上你架車》嘉賓，在車廂內分享靈異經歷，佢話：「嗰次我同3個男人入𨋢，我撳極都撳唔到自己住嗰層，其中有2個男人出咗𨋢，我先撳到自己嗰層，但突然間部𨋢自己着咗兩盞樓層掣，我就同剩番低嗰個男人對望咗一吓，但到咗我嗰層又唔停，我又同嗰個同𨋢嘅男人再對望咗一吓，部𨋢又喺着咗嗰兩盞樓層掣嘅樓層停，嗰時我就諗出唔出𨋢好呢，但我又好驚，因為我唔係住喺嗰一層嘛，出咗𨋢又去邊呢？我再撳自己嗰個樓層，終於停咗再開門，我好驚出𨋢。」
她繪形繪聲繼續講恐怖事終於發生：「等個𨋢閂咗，我就返房，點知同𨋢嗰嗰男人突然衝咗出𨋢追住我後面，我心諗發生咩事，佢同我講佢好驚呀，佢話成個背脊都好寒，我話有咩可以幫到你，但其實我係乜都幫唔到佢，佢話想停喺我房門平復吓心情，我話好就自己返房。」高Ling的鬼古是否恐佈則見仁見智，但方力申和當奴就戥「嗰個男人」可惜，因高Ling「唔中計」沒有讓他入房「定驚」。
來源 source: http://hk.on.cc
|
鍾意就快D Share啦！
|
|
|
