2021年5月10日星期一

34E Big爆上圍男人勁愛孟瑤失婚不久即宣布泊到好「碼頭」 #孟瑤

34E Big爆上圍男人勁愛孟瑤失婚不久即宣布泊到好「碼頭」

「晶女郎」孟瑤有34E「Big」爆上圍，當年有唔少戲拍。

35歲「晶女郎」孟瑤去年宣布與內地富豪周磊早已離婚後，最近再次活躍於幕前，昨晚她跟張嘉兒、陳爽及張美妮四4位「辣媽」喺《開心大綜藝》「我要上台慶」中換上性感戰衣表演勁舞，令全場升溫。作為單親媽媽嘅孟瑤有34E「Big」爆上圍，迷倒唔少男人。她自爆現已覓得第二春，與一位在港生活嘅內地商人拍拖1年，兩人感情穩定，但未有再婚打算。而兒子Dustin正在北京就學，因此孟瑤經常要來回中、港兩地，過去1年隔離咗4次，形容隔離到有抑鬱症。

孟瑤離婚後「回流」香港，現居於香港全海景豪宅單位，閒時相約友人打哥爾夫球、做吓運動，甚至喺社交網大晒名牌包包。孟瑤自2013年跟彭丹做過曾志偉《超級無敵獎門人．終極篇》後，有8年冇喺TVB亮相。生活無憂的她仍鍾情幕前演出，仲有戲癮想拍TVB劇。