藝人呂慧儀（阿蟹）昨晚與湯盈盈、周家蔚、姚瑩瑩及沈可欣等組成「媽媽組」參與綜藝節目《開心大綜藝》，和「少女組」包括陳詩欣及游嘉欣，以及新劇《伙記辦大事》的演員歐陽震華（Bobby）及馬德鐘等，分組玩遊戲。
其中一個環節「無齒大電視」，就是參賽者以「不露齒」狀態下讀出字句，並交由隊友猜想，眾人化身「冇牙佬」或「冇牙婆」般說話，口齒不清之餘，再加上表情肉緊，非常搞笑。當中有「一件頭女神」之稱的陳詩欣，頓時變為「冇牙女神」，十分可愛，至於游嘉欣說「胳肋底」時則被誤以為是說「唱歌仔」，而阿蟹說「大姨媽」時，隊友以為她是說「愛回家」。之後由Bobby做代表與一眾媽媽猜枚，盈盈及阿蟹很快被KO，最後由阮兆祥頂上，不過依然成為輸家。
阿蟹接受訪問時，談到母親節要開工，未能陪伴囝囝「蟹籽」：「其實囝囝畫咗張卡送畀我，佢每年都會畫1張，我全部都好好收藏，同埋影低相做紀念。（唔帶埋佢入電視城一齊慶祝？）今日《愛．回家》開廠，之後又要趕過嚟，佢喺屋企睇電視都一樣啫。」
提到日前被發現與囝囝及前夫黃文迪遊主題樂園，阿蟹指其實媽媽亦有同行，原來是提前慶祝母親節：「冇話特別夾時間，但我一知道自己放假就安排喇。（玩得好開心？）係呀，最深刻係3年前同囝囝去過1間餐廳食飯影相，今次我哋又去返同1間餐廳，佢擺番同一個甫士，攬住個魚缸影相，我發覺佢真係大得好快，有啲唔捨得。」至於被攝入鏡的小女孩，原來是阿蟹朋友的愛女，與「蟹籽」兩小無猜：「囝囝有朋友陪佢，都冇話要細佬或者細妹喇。」
談到《愛．回家》拍檔岑杏賢宣布懷孕5個月，阿蟹謂：「我哋都奇怪點解佢度蜜月去咗咁耐，終於等到佢宣布喜訊。依家佢佗得穩穩陣陣，大家都戥佢開心，最緊要健健康康，生個肥肥白白嘅BB，同埋安胎嘅時候睇《愛．回家》，BB一出世就會好開心。」
來源 source: http://hk.on.cc
|
鍾意就快D Share啦！
|
|
|
