2021年5月8日星期六

【爆喊MV】透過新歌安慰受傷痛朋友衛蘭社交平台變「心事台」 #衛蘭

【爆喊MV】透過新歌安慰受傷痛朋友衛蘭社交平台變「心事台」

衛蘭新歌《It’s OK To Be Sad》MV好催淚。

衛蘭(Janice)自2019年推出福音概念專輯《In His Name》後，相隔一年半再出個人專輯《It’s OK To Be Sad》，專輯推出首天即售罄，唱片公司需要馬上加印，在疫市當中能有咁好成績好感恩。主打歌《It’s OK To Be Sad》由黃偉文作詞，作曲靈感來自一位朋友嘅20幾歲兒子輕生後，兒子媽媽不停強裝鎮定，其實壓抑住情緒，所以她想透過歌曲嚟安慰對方。

今次MV劇場版找來好戲之人談善言、盧鎮業、柯煒林、袁灃林、張蔓姿(Gigi)主演。Janice雖然冇親身上陣參演，但負責敘述身邊人離世嘅傷痛，讓經歷緊哀痛嘅人知道佢哋並唔孤單，喺走出傷痛嘅過程中，唔使強忍情緒，可以同身邊人盡情流露。

喺MV拍攝前一天，張蔓姿咁啱要拍攝自己嘅MV，前後共拍咗18小時。而她喺衛蘭MV中需要唔停咁崩潰嚎哭，當大功告成後，Gigi整個人完全虛脫，喺浴缸入面企唔到起來，需要同事攙扶。Janice睇到MV時也忍唔住落淚。諗起身邊朋友嘅經歷，Janice領悟到要好好留意及照顧身邊嘅人。

MV推出後，好多網民都留言同Janice傾訴，話自己有類似經歷，非常感激她推出呢首歌和MV，為他們帶來一個情緒嘅出口，Janice嘅社交平台突然變成咗「心事台」。