曾飾演內地劇《倚天屠龍記》中周芷若而被封為「國民女神」嘅高圓圓，產後復出戲接戲，除喺《光榮與夢想》中被封為「最美宋美齡」後，近日又同內地男星王耀慶趕拍新劇《完美伴侶》，飾演律師嘅佢，日前被網友拍到在街頭拍戲，不過在休息嘅空檔期間，見着住行政套裝嘅佢企喺部房車前，要助手踎地為佢換鞋，而且擺好涼鞋方便佢着上，而另一助手為佢撐傘擋太陽之餘，又要喺背包攞劇本畀佢睇，見佢兩位助手忙到一頭煙而引起網民熱議。
有網民覺得圓圓呢個排場十足女王駕到，揶揄佢大明星有錢「使死人」，不但鞋唔識着，連傘都冇力撐，認為佢嫁咗畀富二代男星趙又廷就高高在上，不過另有網民就撐圓圓助手嘅工作就係照顧「藝人老闆」，況且圓圓有畀人工，唔算職場惡魔。而劇組人員亦唱好圓圓，話佢開鏡以來，對劇集台前幕後都好有禮貌，經常笑笑口，同埋佢兩位助手，雖然為圓圓而工作繁忙，但同助手關係融洽，完全有擺老闆款，相信係圓圓對助手，助手先咁殷勤服待啫。
來源 source: http://hk.on.cc
|
鍾意就快D Share啦！
|
|
|
