黃翠如兩度缺席《七公主》宣傳 監製陳維冠非常滿意演出
TVB劇集《七公主》今日在電視城舉行宣傳活動，女主角之一的黃翠如已兩度缺席宣傳活動，加上她早前在社交網站帖文說「再見」，並關閉留言功能，令粉絲十分擔心。監製陳維冠被問可有安排翠如參與宣傳？他稱：「翠如工作繁忙，所以出席唔到，佢而家準備拍劇，9月就要開工。（會唔會幫手宣傳？）會，喺唔同平台宣傳。」
有指翠如因演出受批評，致情緒低落，陳維冠則說：「呢啲係佢嘅私人事，我哋唔會特別過問，如果觀眾擔心翠如，可以繼續支持佢嘅演出。」監製指翠如的角色背負好多重擔，要慢慢將誤會解開，觀眾會看到她的努力和進步。他續說：「翠如拍攝嘅時候係好開心，我同編劇都非常滿意，今次係佢從未演過嘅角色，每位演員都係做一啲以前從未演過嘅角色，係我一直監製劇集嘅風格。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
