主持《煮戰》係咁食搞到爆鈕 江美儀跟前夫關係好無所不談
識飲識食識煮嘅江美儀被監製張志明委以重任做TVB節目《煮戰》主持，由「煮場隊長」黃亞保及張錦祥，帶領12位廚壇新秀接受考驗。江美儀好enjoy單身生活：「佢哋知我增肥，所以準備咗好多好嘢我食，食到爆鈕，有工開又有得食真開心，我日日期待返工呀！」採訪：方騫平 攝影：葉君海
《煮戰》共15集，逢一、二、三晚十點半播出，參賽廚師用大會指定食材或任務進行廚藝對壘，留到最後的6位廚壇新秀將會進行師徒大戰，挑戰張錦祥(Ricky)及保哥地位，爭取《煮戰》冠軍。江美儀被問到為何被委派做烹飪節目主持？她笑說：「咁我都鍾意食嘢又食過好多嘢，喺飲食方面唔係一張白紙。可能監製要我啲mean嘢，同隊長鬥吓嘴緩和吓啲緊張氣氛有時啲廚師唔能夠一心幾用答唔到我問題，我惟有執生轉問隊長。」
開工日日有口福
美儀強調好期待返工：「呢個節目好有口福，亦令我大開眼界，見參賽廚師既專業又認真，而且個個年輕有為，相當斯文，顛覆咗中式廚師係大肥佬嘅印象，可惜個個已婚，𠵱家我多咗12位兄弟姊妹。」另外，之前喺節目《Mean Talk》中豹哥重提離婚事件，江美儀首度落淚剖白感受，𠵱家美儀笑返晒仲話好ok：「上次係因為朋友咁錫我好感動啫，其實我變得享受單身生活，完全冇後悔當日決定，𠵱家我哋(同前夫吳君祥)會互相問候，喺電話中無所不談。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
