2021年10月11日星期一

洪永城花六小時跑全馬老婆冧讚：你好叻呀 #洪永城

洪永城花六小時跑全馬老婆冧讚：你好叻呀

洪永城成功跑完42.195 Km 全馬，老公給予鼓勵：「你好叻呀！」

洪永城（Tony）今年7月結婚，並宣佈太太梁諾妍（Inez）懷孕，雙喜臨門。向來被封為「愛妻號」的洪永城，受老婆影響愛上做運動，日前接受波士頓馬拉松挑戰，他於社交網貼上跑完後大字型瞓在路邊的相片，並寫道：「從來冇諗過自己會跑馬拉松，係42.195 Km 全馬，足足玩咗我六個鐘，抽筋到盡頭。但係好開心，除咗完成嗰刻，而(𠵱)家仲開心緊，因為而(𠵱)家我喺度食緊pizza 加甜筒，零罪惡感。」老婆Inez大讚：「你好叻呀！」洪永城則冧爆回覆：「好在有你在旁。」

Inez早前懷住孕肚依舊照跑，被網友質疑不安全；如今已懷孕七個多月，Inez今次就好聽話未有陪跑，她表示：「年初膽粗粗叫埋洪生一齊報Boston Virtual Marathon，然後到自己有了寶寶勉強不了，呢幾個月眼見洪生真係有努力去練跑，然後見到佢achieve到呢個Virtual Run，佢已經絕對成就解鎖……自己都好盡力地跑下行下，不過始終肚子重咗好多，恥骨開始受壓未能同佢一齊跑住完成」好友林夏薇亦有留言：「叻！正能量夫妻」。