黃子恒感恩迎風角色可遇不可求 《拳王》今晚大結局
TVB台慶劇《拳王》今晚播映大結局，除了交代各人感情去向，正藍（張振朗飾）與傲山（黎耀祥飾）的恩怨亦會正式「埋單」，二人將來個終極對決，在擂台以外的地方埋身肉搏，且看
能否因而解開心結。
昨晚高潮位是葉迎風（黃子恒飾）與正藍的兩師徒對決。為了表達傲山給予的訓練有多地獄，黃子恒可謂「飛天遁地」，他苦笑說：「會去平時唔會去嘅地方操練，例如觀塘嘅一條長樓梯度爬落嚟，練手腳、腹肌同Core，又會單腳跳上去，呢啲平時都唔會試，所以幾好玩。」由於拍攝前已Keep住操練，所以未算太辛苦，反而有一場在欣澳被黎耀祥拉住跑，令他印象難忘：「之前嗰晚只係瞓咗好少就出外景，嗰日係即時頭暈，因為拍劇一嚟就要全力以赴，演員心態都會想盡力做到最好，因為拍咗出嚟係一世。」
齋睇相都覺得熱血。為咗拍出好嘅效果，子恒捱眼瞓喪跑搞到頭都暈。呢個四肢爬落樓梯畫面視覺效果震撼。黃子恒憑葉迎風殺入《萬千星輝頒獎典禮2021》最佳男配角五強。
在《萬千星輝頒獎典禮2021》中，子恒成功殺入「最佳男配角」最後五強，對奪獎信心，他說：「我好開心、好感恩，一路好多觀眾、朋友、同事同我講好鍾意睇到葉迎風，係好難得嘅。每個人都會想得獎，但我更加開心係可以做到葉迎風呢個角色，對我嚟講係可遇不可求。」
到底海正藍同石傲山最終會係點收科呢？
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
