除了拍街場戲份被大批私追大肆跟隨，騷擾到附近的居民驚動到警方出動，警告劇組可能會因599G而要求停止拍攝後，以為私追會暫時告一段落，早前姜濤、ERROR成員肥仔（梁業）和練美娟在屋村拍攝一場快餐店場景時依然引來不少人圍觀。
據悉當時姜濤要出外去洗手間時，在工作人員的陪同下外出時，大批私追一同尾隨並用電話一直影實戴實口罩的姜濤，不過他一直未有理會鏡頭只默默低頭繼續行，私追亦似乎已經見慣偶像的不理會繼續痴到實。有演員拍完準備上的士離開時，亦有大批私追追上去影低上車的過程，情況非常混亂。
私追事件再被爆出之後，大批網民留言力挺《季前賽》的演員們，並狠批私追實在太自私：「咁樣有乜好影？」、「畀告票佢哋啦」、「係咪要搞到停拍先安樂？」、「佢哋唔似粉絲，似搞事多啲喎」。管理公司早前通知劇組表示，如群眾繼續聚集將會勸喻劇組離開，不得繼續拍攝。其實由於疫情關係，劇組本身在租借場地已十分困難，因此不少粉絲都不希望再因追私問題而影響拍攝進度。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
