《2022香港小姐競選》第一輪面試前日（2日）舉行，當中有位正修讀碩士傳理系嘅22歲學霸Khaki（梁家琪），一出場就因為高學歷而被睇高一線，原來佢背景唔簡單，其提名人正正就係成日做慈善嘅女星郭秀雲！今日（4日）郭秀雲自己就揭盅，佢幾年前因為做公益活動而認識Kahki，佢同喺澳洲讀大學嘅Khaki分外投緣，知道對方有演戲夢，佢就為對方獻出做提名人嘅第一次，支持對方圓夢。
郭秀雲留言：「幾年前嘅小丫頭轉眼間就大個女我與這位熱愛動物更關心環保的小女孩Khaki Leung分外投緣。雖然她在澳洲讀大學，不過回港都經常跟我一起去清潔沙灘，用心學習如何保育瀕危絕種動物。因為知道她對演戲存在夢想，更喜歡她那對會笑的彎彎眼睛，所以就作出第一次做提名人，支持她去圓夢！有夢想，有愛心的Khaki，加油！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
