藝人余德丞離開無綫後，變得非常活躍，做電台、足球節目主持外，亦透露想拍劇，早前應網紅邀請任網上試食嘉賓，當中勁彈港式平民扒房的食評，引起該店老闆不滿，揚言要告他誹謗，今日（7日）他離巢後出席首個公開活動，對於禍從口出惹官非，他一臉嚴肅：「唔好提。（收信？）唔知。（擔心？）都係自己做法，如果有睇我分享嘅片，食嘢好個人口味。（唔再上人哋試食節目？）要人哋請先去。（請教前輩鄭裕玲以後點應對？）生活細節都會請教，講番開心嘢」
他透露有開心事公布，昨日正式加盟鄭裕玲主持的電台節目《口水多過浪花》任主持，昨日首日返工，笑言過了試用期，感到好開心，可以買戒指送自己作獎勵，又多謝監製和鄭裕玲給他合格有得留低，昨日節目的主題曲亦加入他的名字。由於節目主題曲是12年前由官恩娜主唱，節目組專登請官恩娜再開金口錄一個新版本，相當認真。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
