藝人張達倫於英皇電影《內幕》內，扮演吳鎮宇的警隊上司，更有機會拘捕及盤問「大狀」郭富城（城城），令他過足戲癮。不說不知，原來小時候的他視兩位男神為偶像，故聞得今次有合作機會，令他相當雀躍﹗
達倫搞笑說：「我同導演麥兆輝講，話唔收片酬都要嚟拍，能夠同兩位偶像合作真係都好開心，今次當跟佢哋學嘢，麥導又指點我好多。（開工覺得最要準備啲乜？）坦白講，今次我全部都係文戲，拍得比較舒服，但一定要熟讀劇本，事關有好多拘捕嘅專業用語，我覺得要熟到順口開河，先會令觀眾信服。（盤問城城好緊張？）呢場戲未拍，不過我覺得期待多過緊張囉。」
雖然近日工作繁忙，但達倫仍不忘親子樂，帶囝囝「勁秋雞」Zachary碧波作樂。久違了的Zachary已4歲半，五官依然眉清目秀，這位「帥氣星二代」大有條件承繼爸爸的依缽。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
