早前有《香港01》讀者爆料，原來Bianca讀書時期已經有一個明星夢，而且更是追星一族，現在追星的瘋狂程度相信大家也有一定的了解，而當年Bianca最喜愛的明星便是馬國明。爆料者更指Bianca追好多TVB明星，除了馬明還有陳凱琳，陳敏之等等，亦加入了不少fanclub。雖然Bianca在參選後已經完全刪除過往的追星相，不過爆料者卻提供了不少，的確有很多與馬明的合照，而且讀書時期的Bianca已經非常靚女！
未知是否被人爆史，今次入選無望？
對於自己落選，Bianca在接受《香港01》訪問時，表示多謝大家對自己的評價，在這段體驗中感覺到人間的良善。不過對於有報道指參選為追星，她則否認此事，並指自己是帶著一份使命感參選。
她說：「我除左經歷過7x kg肥胖，嘗過各種冷嘲熱諷外，我仲喺2017年因為突如其來嘅意外而毁咗容。當時有個人跑緊步，無情力一推落我度，我個咀就狠狠撞咗上石壆，我個人中冇咗，軟骨碎咗，皮肉爛曬，牙肉爆裂，滿臉鮮血。裏裏外外縫咗超過三十針，前前後後嘅修復工夫超過兩年（十二次），所有人都話個樣一定救唔返。」
由一個外貌中上的女孩子，一下子變得扭曲嚇人，熬過兩年不能開口說話的時間，只可以用飲管飲用流質食物，為避免扯開傷口和感染所以絕對不能流鼻水和打噴嚏。
她續說：「但係喺過程中，因為我完全唔再美麗，所以更加努力讀書豐富內涵。我越堅強去報讀唔同嘅課程，做唔同嘅義工，就遇上越多好人，越有自信，仲超越咗以前。嗰時，大妗、心理學、命理八字、演藝、精神健康急救、口才思維訓練、儀態等等，我通通去學，探訪長者、照顧小朋友嘅義工都會去做，亦都係咁，輾轉就喺關鍵時刻遇上好醫生，幫我做到最後一次嘅修復，幾乎睇唔出痕跡。從此，我嘅自信唔再來自外貌，而係自己撐過呢關嘅堅強，以及從呢段時間所見所感，所浸出黎嘅感恩、從容、淡然。」
Bianca今次參選，其實是想將自己的經歷分享給大家，她說：「毀過容嘅都可以夠膽企出黎選美，只要自己唔放棄仲有咩會做唔到，唔好因為先天嘅條件同發生左嘅事而退縮氣餒、自卑自憐。唔係個個天生有選美嘅條件，但係努力豐富內涵，力臻完美嘅過程，仍然可以得到『美麗』嘅肯定。善良可以換來善良同好運，扭轉自己一生。」可惜TVB並未給她這個機會。
👇👇👇點擊下圖睇42位入圍次選佳麗👇👇👇
本文作轉載及備份之用 來源 source: http://www.hk01.com
|
鍾意就快D Share啦！
|
|
|
