歌手吳業坤（坤坤）於社交平台突然宣布與日本女優濱口愛子在日本結婚前，曾向身邊好友承諾回港後，會帶太太逐一跟友人見面。最近轉戰餐飲界公關事業的前新城DJ林柏希日前在社交網分享坤坤大晒婚戒的合照，可惜新任吳太繼續保持神秘感未有出鏡。
林柏希接受訪問時透露當晚是為坤坤洗塵飯局，指成婚後的他外貌沒有大轉變，但感覺到他很緊張太太：「佢成個『愛妻號』咁，做咗個好老公，佢老婆真係靚嘅，係幕前嗰種靚，我第一句同阿吳太講笑咁問佢係咪揀問定咗，以佢條件可以揀個更好。」
問到和坤坤的交情，林柏希指兩人識於微時，當年他任職DJ，而坤坤參加唱歌比賽，尚未有知名度，但做完訪問後得知皆是愛酒之人，就開始定期約會飲酒，相約了廖碧兒、ERROR成員193齊暢飲，他亦見證過彼此間的瘋狂歲月：「佢試過飲到醉晒、嘔晒，攬住個座厠半小時，又試過我推飲到好醉嘅佢求其上架的士車返屋企，點知佢醉到唔識上樓，喺公園坐天亮，但依家佢大個仔，成熟咗。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
