0
本港新冠肺炎疫情有惡化趨勢，確診數連續7天突破4,000宗，疫情雖然復熾，但仍有人無視疫情嚴峻，大搞百人無罩Party！上周六（23日），一間公司於淺水灣一間會所舉行嘅周年派對，其後更於專頁晒出當日「盛況」，只見場內逾百人出席，竟然無人戴口罩，當中更驚訝見到藝人方力申（小方）及丁子高身影！
據多名KOL分享嘅相片可見，派對期間大多數人都未有戴口罩，反而見到大家都手拎飲品滿場飛吹水，據知今次活動邀請咗千名網紅、藝人及合作夥伴，當中方力申、丁子高於合照中均未見戴上口罩，大會又安排DJ打碟以及泳衣Show等，全部表演者相片均未見有人戴上口罩。
丁子高回覆東網查詢時表示，自己認識該老闆，因為大家一齊做Gym，當日畀面到賀，他坦白說：「去到見到個場好多人都唔敢走入去，我只係除口罩喺Backdrop影咗張相，之後就戴番口罩入場搵個老闆打聲招呼，我諗逗留咗20分鐘就走咗，我唔係同小方一齊去，我係先過小方到場，走咗都未見到佢。」
方力申則回應東網指自己逗留約30分鐘已走人：「當日是去支持朋友公司的活動，逗留約30分鐘，期間在Backdrop及VIP房跟公司老闆及同事有合影，之後全程都戴口罩，沒有參與Party。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
