內地影帝黃曉明同Angelababy離婚半年，二人正式回復單身，今年五月黃曉明被爆同一位富貴網紅葉珂交往中，有傳女方係企業家，更意外係有指佢曾經離婚，係2名孩子嘅母親！點知大前日（25日）葉珂分享大批生日P美照，透露有人為佢舉辦Surprise生日P，更錄埋感人的VCR影片，不過就有眼利網友發現，照片上有卡片寫住「M love KeKe」，即被網友解讀係「黃曉明（Ming）愛珂珂」！
葉珂分享多張單人慶生照，及場內滿布鮮花嘅場內相，精心布置明顯花費唔少，就連生日蛋糕都有足足3層之高，佢感動留言：「有點小預感但還是被驚喜到了，一直是個眼淺的人，看到vcr的時候直接忍不住了，謝謝最好的愛，也祝自己生日快樂吧！」明示生日P係有人特地為自己準備，喺粉紅花海同煙花之下，佢個特別訂製嘅公主風生日蛋糕及純白鮮花Cake都別出心裁，葉珂又晒出2個價格不斐嘅稀有皮革貴價包包禮物，睇得出今次為佢準備嘅神秘人唔只浪漫，出手仲相當大方，睇嚟「M先生」對葉珂寵愛有加。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
