不過，《給十九歲的我》在電影圈中卻廣受好評，先後在香港電影評論學會、香港電影導演會年度大獎獲「最佳電影」殊榮，如今更再下一城，爭議聲中勇奪《香港電影金像獎》最佳電影！張婉婷雖冇到場，但就隔空表示對拍攝此片「今生無悔」，而聯合導演郭偉倫其中一句得獎感言「拍咗先算，剪咗先算，上咗先算」在網絡引起極大迴響，亦令部分觀眾嘩然。
《給十九歲的我》獲獎後，網民隨即洗版，大部份人對賽果感詫異，怒斥：「金像獎評委變相鼓勵不道德電影製作。」狠批評審畀面電影發展局副主席張婉婷卻漠視女學生感受，質疑「為頒而頒」，問：「有冇諗過女主角感受？」「業界擺明鬥氣！」「好睇還好睇，但個拍攝手法好有問題。」「監製毫無悔意！」
不過，也有網民認為撇開風波不說，單從電影角度看，《給十九歲的我》的確具有劃時代意義，畢竟要製作一套橫跨十年的電影，拍攝和剪接上都殊不容易，絕對是套好電影。有人就留言：「睇優先場已經知今年係佢攞。」
此外，由於《給十九歲的我》僅上映兩天便在爭議聲中落畫，有網民問：「係咪可以申請入健力士紀錄，上畫最短嘅最佳電影？」又諷刺：「上映未？最佳電影仲唔上返？不如叫最佳私人影片。」同時有網民質疑今次獲頒「最佳電影」獎，是否鋪路予校方及張婉婷再將電影上映。
本文作轉載及備份之用 來源 source: http://www.hk01.com
|
鍾意就快D Share啦！
|
|
|