TVB《萬千星輝頒獎典禮2023》於今晚(14日)假澳門舉行，分別在2002年奪得「飛躍進步男藝員」的陳豪和在2019年奪得「飛躍進步女藝員」的張曦雯擔任「飛躍進步男、女藝員」頒獎嘉賓，而馬貫東和劉穎鏇成為得主！
馬貫東在發表得獎感言時表示自己已入行18年，期間得到珍姐的提點：「我訓練班出嚟嘅時候，珍姐同我傾過偈，指出我好多不足之處，要我改，要我不斷學習，學完之後就會有一個機會，咁所以個陣時我好努力改變我自己，多謝珍姐，雖然依條路係唔易行，但我學識珍惜，唔會浪費任何一個機會同畀機會我嘅人。」並一一多謝每一個提點他的前輩和用他的監製，包括一眾《愛回家》的演員和樂小姐，並特別提到初初入行，樂小姐叮囑自己要做一個有實力的演員，亦多謝《破毒強人》的監製為他設計了杜飛一角，令觀眾可以見到不一樣的他。最後，他多謝自己的家人，指家人沒有埋怨他沒給家用，並補充道：「我之後會畀番。」
另外，「飛躍進步女藝員」的得獎人劉穎鏇一聽到自己的名字，便已經在座位上激動流淚，表示已經入行7年，非常感謝公司對給予她不同演出機會，並多謝一眾台前幕後的工作人員，令她每一日都有進步和學習的機會，並感激所有合作過的同事，並特別提到陳山聰和劉佩玥，稱自己會繼續進步，並多謝父母的支持和所有愛自己的人。
獲得「飛躍進步男、女藝員」的馬貫東和劉穎鏇於後台接受訪問，馬貫東直言飛躍進步獎等足8年，亦是他首個獎項，他表示：「本身都有啲信心，但冇太大壓力，同埋我男配角都有份提名，都有諗過攞男配角。（有冇失望？）唔會，我都鍾意林子善，佢好有實力，自己贏面高係因為套劇較近頒獎禮播，輸比子善心服口服。」入行7年的劉穎鏇亦獲得第一個獎項，她開心表示：「媽咪返咗香港，不過冇嚟澳門，佢知道我攞獎都好開心，我哋未諗點慶祝，一家人齊齊整整已經好好。」
另外，「最佳男女主持」由戚美珍、賈思樂和盧海鵬「蝦仔爹哋」組合做頒獎嘉賓，盧海鵬扮糊塗頒獎，十分搞笑，而久違了的戚美珍的出現令人驚喜，結果「最佳男主持」由周奕瑋拿下，他說得獎感受時有點激動，並抖大氣，感謝自己在感到迷惘時，得到公司高層鼓勵，及相信他和包容他，讓他擔任上屆頒獎禮的主持人，他多謝樂小姐、合作的監製和幕後工作人員及父母。他特別多謝娛樂新聞台，是他入行第一份工作，一做就做了18年，「嗰時乜都唔識，係一個細路仔，依家有成人身份證畀娛樂新聞台喇！入行第一次做康城影展，記得我着住踢死兔企喺紅地氈，有人話做乜有隻企鵝企喺紅地氈，最多人講嘅係周奕瑋無身型、無外形、無台型，今次係我人生得一次機會拎住獎講，想同被人懷疑過嘅人講，唔好畀人哋嘅想像去限制你自己嘅想像，我會繼續想像、繼續成長。」
麥美恩則獲得《最佳女主持》獎項，上台攞獎的她激動落淚，覺得自己攞獎全靠無綫的台前幕後幫忙，她謂：「多謝公司畀我講好認真嘅嘢，因為平時見到我都係嬉皮笑臉，我真係TVB湊大、養大，呢個獎係個人獎，但其實好多人推動梗呢件事，我係好少數可以同好多不同部門合作嘅藝人，啲人覺得TVB係木人巷，我覺得係夢工場，因為發夢都諗唔到，一個竹昇妹可以用12年時間，大家認可嘅，用全中文嘅大騷司儀，公司亦大膽，有勇氣用呢個竹昇妹做做下司儀，畀我拍咗3年古裝劇，攞呢嗰獎可能啲人會覺得係表揚我過去一年嘅努力，對於我嚟講係一個接棒嘅儀式，因為呢一年嘅壓力同責任係大咗嘅，我希望用最短嘅時間去交棒畀新一代嘅金牌女司儀，希望大家幫幫手，因為女司機係需要好多人合作、扶持先有好節目，得益一定係觀眾。」
分獎禮中，「最具潛質新人」由炎明熹（Gigi）、鍾柔美（Yumi）、游嘉欣、冼靖峰及古佩玲擊敗其餘16名候選人獲得，5位得獎者一同上台領獎及致詞，當中入行只有3、4年的游嘉欣更是獲得首個獎項，她更許下5年內再度獲獎願望。
而Gigi則表示去年有多個嘗試，感激大家見證她的成長，希望新一年繼續努力。同樣獲得首個獎項Yumi感謝《聲夢傳奇》比賽可以給她發揮自己，又指今年有多個新嘗試，包括推出新歌及做主持，希望新一年會有新突破，至於學業方面亦會繼續努力。
古佩玲則喊住上台致詞，並感謝《愛。回家之開心速遞》團隊給她有家的感覺，包容她的不足及鼓勵，她說：「我踏出咗自己舒適圈後成長咗好多，人有無限嘅潛力同可能性，我會加油。」
炎明熹（Gigi）在台慶頒獎典禮獲得「最佳電視歌曲」和「最具潛質新人」獎，她受訪時坦言感到很開心及意料之外，同時感謝投票給她的人，Gigi又搞笑表示：「大家都好保護同照顧我，頭先喺台上唔多時間所以長話短說，我估唔到仲可以做新人，因為入咗行都有一段少少時間，以為無機會，不過聽到頒獎嘉賓農夫話係25歲以下，嗰刻個心卜卜跳，但對獎項都係隨遇而安，今日都係專注唱歌為主。」問她覺得自己有甚麼潛質？Gigi稱：「吓，我唔知，可能要路上慢慢認識自己，同埋路上會有好多伯樂幫助我嘅人，幫我慢慢發掘我嘅潛質，多謝喺路上遇到所有嘅人。（同鍾柔美一齊攞奬特別開心？）係呀，大家同一個比賽出嚟，見證住大家發展方向，所以都戥大家開心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|