今屆「最佳男配角」和「最佳女配角」同樣競爭激烈，去年憑《新聞女王》飾演「許詩晴（Cathy）」表現出色的高海寧（高Ling），以大熱姿態在頒獎嘉賓譚耀文和姜皓文手上奪過女配角獎座，而今次亦是高Ling入行15年首次獲獎，她在宣布得獎時已激動落淚，「Man姐」佘詩曼和李施嬅特別上前與她擁抱送上祝賀。
喊住上台攞獎的高Ling熱淚盈眶，她表示很開心可以拿到女配角獎，並感謝《新聞女王》總監鍾澍佳邀她演繹這個角色：「拍呢套劇可以同阿佘合作好開心，佢係一個好好嘅前輩、好榜樣，我喺現場睇到乜嘢係專業演員，佢分享咗好多嘢畀我哋，我有好多得着，呢獎係成個團隊送畀我，我冇令佢哋失望...我想將呢個獎送畀我婆婆，我入行15年終於攞到獎喇，仲有送畀天上嘅公公同爺爺、家人，多謝公司畀好多唔同角色我試，每一位演員都係等好劇本同角色，希望在座各位都等到屬於自己嘅代表作。」
加盟無綫15年的高海寧（高Ling）在《萬千星輝頒獎典禮2023》上響頭炮，摘下頒獎禮第一個獎項《最佳女配角》，憑《新》劇中「Cathy」獲獎的她，在後台受訪時表現激動，她說：「我冇心理準備，其實我唔係好緊張，係平常心面對，但公布前一劇，阿佘（佘詩曼）話佢好緊張我哋邊個攞（獎）時，都搞到我好緊張囉，（你攞獎時，阿佘感動到抹眼淚，）係呀，呢次係我同佢第3次合作，我真心覺得佢係好好嘅前輩，因為佢除咗會做好角色，仲會分配經驗畀我知，喺佢身上學到好多嘢，係好榜樣，亦係好好學習對象，無論待人接物或做人處事。」
她又指入行15年首次得獎，連當年參選港姐亦未有得任何獎項，問到如何慶祝？她謂：「我冇諗，啲人叫我諗定致謝詞，但我都冇，上到台諗到乜就講乜啦。」至於下一個目標是否向視后進發？她則說作為演員，獎項是鼓勵，遇好劇本及角色最重要，同時要把握每個機會。她說到會帶獎項跟外婆分享時忍不住落淚，直指獎項是最好的生日禮物，同時會將獎項送給天上的外公及爺爺，又謂：「雖然佢哋睇唔到，但佢哋會戥我開心，朋友尋晚（13號）已同我慶祝生日，今晚有朋友會喺酒店房準備埋香檳同我再慶祝。」問到得獎後可會專注事業而不拍拖？她就覺得緣分來時擋不住，但沒有時就要把握好要把握的，首要做好自己。
本文作轉載及備份之用 來源 source: http://hk.on.cc
|
鍾意就快D Share啦！
|
|
|