《萬千星輝頒獎典禮》今晚舉行，馬來西亞女神林明楨及胡楓一同頒發馬來西亞的獎項，其中「綜藝及資訊節目」由《隨懿深度行》奪得，「最喜愛TVB劇集」由《隱形戰隊》奪得，至於馬來西亞最喜愛TVB男主角及女主角，則由《新聞女王》的馬國明及佘詩曼勇奪，先拔頭籌！
馬國明奪得馬來西亞最喜愛TVB男主角，他得悉奪獎時即露出天然呆表情，上台後則笑言：「多謝佳哥（《新聞女王》監製鍾澍佳）、多謝Ｍan姐，冇佢套劇唔會咁爆，多謝台前後工作人員。喺TVB咁耐，教咗我唔好忘本，要多謝《隱形戰隊》監製文偉鴻，同埋《破毒強人》監製Marco，去年最高收視3套劇我都有份演，我當贏咗！多謝屋企人，兩個家姐，同埋老婆，佢開心就好，開心旺夫，同埋我有個紀錄無人破到，就係我攞過４屆最受歡迎男角色。」
佘詩曼奪馬來西亞最喜愛TVB女主角，她指自己10年前曾奪此獎，上年到馬來西亞拍戲，都感受到好多歡呼聲同熱情，希望大家有睇香港直播，衷心多謝大家。」
馬來西亞女神林明禎與胡楓一起頒發馬來西亞最喜愛TVB男、女主角以及劇集獎項，兩人甚有喜劇效果，尤其林明禎的廣東話更加笑爆全場，當講到「劇集」時，變了「劇十」，而講《隱形戰隊》時則說《隱形戰嘴》，再加上林明禎全情甜笑再加萌爆招牌甫士，為緊張的頒獎禮帶來不少歡樂。而《新聞女王》插曲、由炎明熹獻唱的《Crystal Clear》則奪得「最佳電視歌曲」。
馬國明於後台接受訪問，講到失落視帝，他即表示：「我冇失落，我都估係阿Mo（陳豪），大部分獎我都估中，尤其好戥子善同阿Mo開心，因為台慶嗰陣阿Mo讓咗我抽大獎，所以我都好想佢攞獎。」問到太太湯洛雯有否為他感失落？他就表示：「冇，我一早同佢講我估阿Mo，佢都話無論點都以我為榮。（但見佢台上好似有為你不值？）我又唔覺，佢一直都有同我畀心心。（整晚冇見掛住佢？）少少啦，我喺台上都有畀Credit太太。（太太旺你？）我都覺得好旺，因為我竟然贏陳山聰拎最佳衣着，件衫太太有份幫我揀，同埋今年最高收視3部劇集我都有參與，真係好幸運。」問到事前有冇估自己攞獎，他就指沒有，至於未來會否生B催旺運勢，他就笑言：「我盡力而為啦。（生龍B？）我冇所謂，冇壓力，隨緣啦。（會點慶祝？）同太太食餐飯，不過我有兩套劇《新聞女王》同《隱形戰隊》都要慶功，都好忙。（帶埋太太去？）睇吓佢得唔得閒，佢都好忙。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|