無綫小花廖慧儀（Jessica）經常分享自己運動日常及性感靚相，曾獲「狂野空姐」封號的她，於2020年參選港姐期間，傳戀上圈中男星孔德賢，隨後發生前度墮樓輕生事件，令她受盡千夫所指形象插水。近年已走出出陰霾的她，不時於社交網中甫出鼓勵字句，但原來表面樂觀的她心中一直藏着傷痛，近日她在社交平台訴說自己過往的經歷，罕有露出脆弱一面：「2025年8月：九個月了。希望這個小魔怪不要再來找我，如果再來的話，我相信都會輕鬆駕馭得到的。呢一年同佢共處，消耗了好多好多時間同耐性，也感謝最親的你們忍耐我。」雖然她沒有明說小魔怪是甚麼，但部分粉絲猜測是情緒上的問題。
Jessica續指今年忍不住講了好多次「我覺得唔得喇」，但都要不斷說服自己「我相信自己得」、「我相信所有嘢都會變好，一定會好返」，吸引力法則將她吸到8月，一直都有好想變好的決心，多謝支持她的人和多謝自己沒有放棄，她又謂：「今年29歲了，感受最深係，身邊有好多好錫你嘅人，當然要感謝佢哋嘅出現陪伴同幫助，但到最後，始終都要自己一個堅強走落去，面對自己，做一個獨立、堅強同勇敢嘅人絕對係我嘅課題，仲有一年就3字頭喇，人愈大愈享受一個人，又可以話人愈大愈要學識享受一個人，就算一個人受苦都係一種享受，總結：如果你唔開心就去跑啦，跑完會好啲㗎。」
她的一眾好友何泳芍、黃紫恩、鄧伊婷、朱智賢、李旻芳亦有留言為她打氣，何泳芍表示：「喺鏡頭面前笑係一種堅強，將脆弱嘅一面表露俾人睇更加需要勇氣。願能在救贖的路上和你結伴同行。」黃紫恩說：「睇到眼濕濕，Jessica加油，想同你講你已經好叻了，願意接納願意同佢並存而冇選擇去逃避，我明白你，我地一齊行過去！」
而有網友質疑「邊有人喊會拎手機影住自己」，她解釋說：「影低佢對記錄病發日期時間、同自己嘅狀態有幫助，就好似健身嘅人都會影低自己食咗啲咩，幾時食。我覺得呢個方法好有用會睇到自己嘅改變。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|