藝人張曦雯（Kelly）日前拋下震撼彈，宣布與拍拖8年的加拿大混血男友Mark Brunyez分手：「我們已經和平分手了一段時間了，我現在很好。」從美國旅行散心回港後，她立即投入工作，今日（22日）與陳豪、馬貫東、丁子朗、劉佩玥、譚凱琪、郭柏妍、馮皓揚等，出席劇集《俠醫》啟播儀式。久未唱劇集歌的古巨基唱主題曲《最好的信念》，雖然今日基仔未有出席，但有拍片支持。眾演員全體穿上禮服行紅地氈出場，Kelly笑容滿臉，All Back束起辮子，穿白色連身裙出席，狀態不俗，Kelly表示與陳豪是最佳紅地氈拍擋，沒有夾過衣着，但心有靈犀好襯，現場陳豪重演跪地為Kelly捽腳一幕，Kelly讚陳豪手勢好舒服，陳豪表示平日有幫太太陳茵媺捽腳。
張曦雯分手後首次見人，表示之前因《璀璨之城》延遲到11月開拍，所以回美國探望家人，因已有4、5年冇見家人，並非療情傷，她透露與男友早於年初分手，所以出Post時已平復心情：「已經過咗去，都習慣，所以OK，大家唔使咁擔心我，我唔係返去療情傷。」感情事已放低？她說：「係！我哋一齊咁多年，當然考慮清楚，先至會做一個咁嘅決定。（有傳是被男友狠飛？）唔重要，唔係發生咗乜嘢，一個衝動決定，真係有問題儲埋儲埋。（因為你唔肯嫁？）唔係結婚問題。（涉及第三者？）冇冇冇！」分手是私人問題，二人的決定，加上男友是圈外人，所以不想透露原因。問到感到可惜？她說：「唔可惜！我同佢咁多年，大家都做到自己想做嘅嘢，有成長到，一齊都開心，唔會覺得可惜。」
傳她有大隻新歡，她澄清新歡其實是細佬，而且是舊照片，至於買新車氹自己也是很久以前買下的，搬離愛巢的事不想講太多。她表示將工作放首位，但戀愛同樣重要，不會放棄談戀愛，問是否有人追？她風騷反問：「話冇你信唔信？有承諾同有質素先介紹畀大家識，順其自然。」笑言公布「分訊」後收到以前少聯絡的男性朋友的關心，「分訊」是很多男士的喜訊？Kelly笑言：「我唔知喎！我仲觀察緊！」重申與前度再見亦是朋友，但沒有主動聯絡，二人雖然一起生活多年，但大家性格很獨立：「外國人通常都是各自各，所以分手後沒有東西要特別處理。（寄情寵物上？）貓同狗都特別嗲我，可能得番我一個，所以冇得揀，成日跟住我，好Sweet。」透露父母將來港共聚。
本文作轉載及備份之用 來源 source: http://hk.on.cc
|
鍾意就快D Share啦！
|
|
|