佩服94歲精力充沛 靠正向思維發光發熱
談到修哥的身體狀況與心態，鄺美雲表示：「修哥係我哋好敬重嘅前輩啦，年過90幾歲佢嗰種精力呢，我哋可以睇到，即係每一個人呢，其實係要有一種正能量、正向嘅思維，咁就無論你幾多歲其實你都可以發光發熱嘅。」
私下極具紳士風度 94歲修哥竟然主動拉櫈
此外，鄺美雲更細數修哥私底下極具紳士風度的一面，她回憶道：「修哥係一個好紳士，因為我有一次呢我坐喺佢隔離，咁我就要先走喇，我一起身，修哥嗰日應該係94歲，就幾個月前，佢就起身，佢即刻想幫我拉凳！我真係叫『哎呀修哥唔好唔好』，即係應該係我幫佢拉嘛，但佢係一個紳士嘛，所以我都唔好意思，但修哥係一個好好嘅人，好nice。」
睇米雪演唱會再遇契爺 讚前輩心態美好
鄺美雲透露，近期除了私下見面，也有在米雪（雪姐）的演唱會上遇到修哥：「同埋睇雪姐嘅演唱會啦，雪姐又係好，係我哋好值得學習嘅前輩嚟嘅，好好精力啊同埋個人好好。我見到修哥，佢都好精神去睇到完嘅，好開心啊。所以我覺得人呢，就最緊要有個美好嘅心態。」
爽快應承約食飯 必定搵修哥親自慶祝
被問到修哥近來獲頒大獎且精神飽滿，會否約對方吃飯慶祝時，鄺美雲大方爽快表示：「可以㗎，我會搵佢㗎！係呀！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|