掃呢頁CODE去手機

2013年11月29日 星期五

巨肚洪欣拖老公嘆拉麵 洪欣,MW,




行到半路大肚婆突然肚餓,兩公婆唔介意排隊,喺店外等候入座。

媽咪姐

巨肚洪欣拖老公嘆拉麵

唔生仔嘅放肆大食,大咗肚嘅原來同樣為食。 43歲洪欣 4年前嫁俾內地演員張丹峰之後,張生不單錫老婆,連洪欣同莫少聰所生嘅 13歲囝囝張浩鋒一樣照顧埋,而且兩人話咁快就有愛情結晶品,真係可喜可賀。

早幾日,懷住 7個月巨肚嘅洪欣同張丹峰喺跑馬地拍拖行街,行行下,竟然肚餓喎。不過洪欣冇亂咁周街擦,反而拖實老公去附近拉麵店食嘢。啱嘅,大肚婆一切小心為上,正正經經食碗麵咪好囉!

懷孕 7個月嘅洪欣表示會開刀產子,日子未定, BB性別亦未知。現階段暫停工作待產,日前仲同老公手拖手行街。

洪欣比老公張丹峰年長 11歲,但女方保養得宜,外貌望落差唔多。

同場加映

G.E.M.都好大食

講起對麵嘅熱愛,媽咪姐認第二冇人敢認第一。早前 G.E.M.出席「我的合味道工作坊」,除咗自製獨一無二杯麵之外,佢更獲贈一個 10人分量嘅特大杯麵。咦,咁係咪暗示 G.E.M.好大食呢?



鍾意就快D Share啦!