2013年12月13日 星期五

[忽然1周 959] 楊千嬅要玩又要驚 楊千嬅,千嬅,MW,




當日千嬅出場都特別過人,突然喺個盒爆出嚟!連佢自己都嚇親。

媽咪姐

楊千嬅要玩又要驚

周一( 9日),楊千嬅為日本曲奇大師 Yoku Moku新店開幕擔任主禮嘉賓,當場同魔術師夾住玩魔術,似模似樣咁款。佢仲大爆老公丁子高嘅魔術好流,「有一期佢要學周傑倫咁型,學人玩魔術,買啲手指套,但係流到一個地步都唔能夠包容。個仔得 5個月大,佢以為佢睇唔出,但演技同時間都錯曬。」

千嬅同魔術師喺台上玩魔術,齊齊變蛋卷,見佢交足表情,動作多多,都算收貨啦!

千嬅口口聲聲話老公啲魔術小兒科,之但係遇到啲大單嘢時,媽咪姐又怕你受唔到喎。好似當日喺個盒爆出嚟嗰陣,佢就嚇到成個彈起,反而司儀李浩林就好淡定。所以話,流流哋嘅丁子高查實最 fit千嬅嘞!

戴凱欣親自接 friend

自己公司搞活動,四洲集團太子女戴凱欣梗係落力幫手,當日佢滿場飛招呼老友。當中甚少露面嘅合和董事總經理胡文新都俾面捧場,兩個一見面就傾唔停。

熟女埋堆

講到甜品,女士當然停唔到嘴,當日(右起)傅明憲、陳淑蘭同姚予晴影完相就急急入場,喺場內就繼續傾繼續自拍,睬你都傻!

王馨平玉女濕身

除咗千嬅,出動喱士露腰衫嘅王馨平都好鬼養眼。側面睇若隱若現好 sexy,但影相之前,佢已經企埋一邊印汗。

點知擰轉背,竟然有大片 pattern,再睇真啲,原來係佢啲汗呀!冬天都搞成咁,都真係好大汗嚇喎!



鍾意就快D Share啦!
Related Posts Plugin for WordPress, Blogger...