掃呢頁CODE去手機

2013年12月13日 星期五

[忽然1周 959] JM失禮霆鋒 JM,謝霆鋒,霆鋒,文詠珊,MW,




𤓓爆「 AA」膠

原本一身火紅再露事業線(係 cup數細啲啫!)嘅 JM幾吸引,但無奈一條長長嘅膠紙外露。 Oh no,邊個黐㗎!

媽咪姐

JM失禮霆鋒

近日 Janice Man文詠珊同霆鋒嘅緋聞傳到真嘅一樣! JM次次講起,仲自動波加埋甜笑,等大家有曬幻想空間。嗱,真相通常無咁快知嘅,媽咪姐淨係知同 JM一齊出道嘅「曾經好姊妹」 Angelababy(楊穎)都係靠黐實件「海綿蛋糕」上位!不過 JM呢,真係要跟人哋再學嚇嘢至得囉。

就講周二( 10日)新片《赤盜》喺澳門搞記者會,傳緋聞後首度現身嘅 JM,以一身全紅西裝配兩片血紅雙唇出現,大 deep V無打底, sharp勻全場。不過靚又有咩用?又要靚又怕走光,喺喪黐膠紙嘅情形下,膠紙不幸外露曝光,勁肉酸!當日 JM又不時發呆,心不在焉。做訪問時,佢仲突然向大家鞠躬,然後淨係識得講同大佢 9歲嘅霆鋒係「好朋友」喎。係,禮多人不怪,但呢嚇,多咗囉!

媽咪姐奉勸 25歲嘅 JM,想做「新鋒嫂」嘅話,多多留意自己言行舉止嘞。話曬依家做咗 CEO、有成 8億身家嘅霆鋒,應該唔想嚟多個栢芝囉!

上到台, JM都夠膽死喺度發夢,又企錯位。反而朱千雪(右)落力講笑,但輸咗個霆鋒囉!

盛傳追過 JM嘅餘文樂都有份拍《赤盜》,不過佢全程靠邊站,個個掛住訪問韓星池珍熙同張學友等,輸曬。

BB,無人喺 iPad黐膠紙㗎!(設計對白)

騎呢一鞠躬

俾記者追問新戀情, JM突然向眾人 90度鞠躬,咁似當年希哥為慾照事向全世界道歉個畫面嘅!令人 O嘴。

朱千雪唔執輸

朱千雪未黐到巨星,就向導演梁樂民(左)同陸劍青埋手。𠱁到人哋鬼咁開心,有前途喎!

《赤盜》其實係男人戲,學友仲話接呢套戲都係因為有得同老友張家輝合作咋!前輩真係識講嘢,後輩們學嚇嘢啦。



鍾意就快D Share啦!