全城熱爆的娛樂八封新聞 & 時事趣聞 & 生活 + 趣聞
一個電話兩份玩 原本同葉童夫婦一齊到場睇騷，點知嘉玲走嗰陣卻黐住鄧永鏘個妹鄧霓儀，大家仲一齊玩嘉玲個電話， friend到呢！
上星期，劉嘉玲本來同葉童夫婦結伴，到灣仔會展睇西班牙拉丁歌王 Julio lglesias演唱會，其他座上客有董建華夫婦、陳方安生同關之琳等，粒粒皆星。
嘉玲話偉仔去咗上海所以無陪佢嚟，但完場後佢卻飛起葉童夫婦，同上海灘老闆鄧永鏘個妹鄧霓儀（與張可頤曾傳緋聞）一齊，坐偉仔架保母車去咗中環。曾經講過鍾意飲酒嘅劉嘉玲，唔知係咪同有米 TB老友摸酒杯底傾心事呢？
47歲嘅鄧霓儀比前幾年（圓圖）成熟咗，多咗好多白頭髮又寒背，跟嘉玲等車期間狂扯煙，成個麻甩款。
等咗十幾分鐘，偉仔架車先兜到正門，嘉玲同鄧霓儀一齊上車，火速向中環 Soho區駛去，睇嚟應該仲有下場。
