全城熱爆的娛樂八封新聞 & 時事趣聞 & 生活 + 趣聞
呢排 Juno認真愛情事業兩得意，首次執導電影《殭屍》嘅香港票房依家收成 1,700萬，仲有發行商請佢開續集，連王晶、彭浩翔都死跟趕拍殭屍片。
咁威， Juno自然好 happy！早前佢就同翻撻咗半年嘅混血女模戴庚玲（ Janine）出席電影活動，順便拍嚇拖。 Janine首先同男友人坐喺戲院頭幾排，等到 Juno做完嘢入場， Janine即回頭望望男友，做慣少爺嘅 Juno就示意女友行去同佢一齊坐。 Janine即刻甜笑話：「真㗎？」確認之後，先滾水淥腳移位。不過媽咪姐見 Juno同女友 Janine傾偈時冧到爆，睇嚟呢位鬼妹仔有望入豪門喎。
卒之 Juno入場，一個眼神就點咗女友移位，男友人就靠邊站。
初頭 Janine同男友人坐，明顯心不在焉，掛住玩電話同 Juno傳情。
終於坐埋一齊， Juno即刻開心曬，兩個人傾到雞啄唔斷。發現媽咪姐後，仲齊齊望鏡冧笑，大大方方， good！
