媽咪姐
梁芷珊贏馬掃怨氣
做咗羅傑承多年賢內助嘅梁芷珊，平時除咗陪老公跑馬睇波外，早排仲喺中環開咗間來佬餐廳。雖然老公官司在身，不過佢同老公依然馬照跑波照踢。
早幾日淩晨一點半，梁芷珊喺自己個 facebook話老公飲到「 pair pair夫」，要佢半夜三更去按摩店接佢。老實講，媽咪姐真心佩服羅太咁冷靜仲可以寫到字，俾著媽咪姐個老公係咁，肯定要佢……俾多個月家用！
不過咁，媽咪姐前幾日喺梁芷珊個面書上，見到佢寫咗大段字，內容就話老公飲酒飲到 pair pair夫，俾公司同事車咗去按摩店，搞到做老婆嘅佢，要半夜三更趕去按摩店接老公返屋企。睇得出羅太寫呢段字嗰陣，應該怒火沖天，真係用幾盆水都未必淋得熄。
之但係，事隔兩日，媽咪姐喺馬場見到佢兩公婆拉頭馬影合照，芷珊姐又笑到四萬咁口。哈！原來呢招對羅太 work喎！咁羅生下次激親老婆嗰陣，記得搵隻馬幫幫手嘞。
|
鍾意就快D Share啦！
|
|
|
