全城熱爆的娛樂八封新聞 & 時事趣聞 & 生活 + 趣聞
白咗兩度 向來白淨嘅郭晶晶，當晚用嘅粉底明顯唔啱色，塊面白過條頸唔少喎。而下身對米色露趾高踭鞋亦撞到好古怪，真係要搵人執執至得喇！
上周六（ 7日），生完仔 4個月嘅郭晶晶同霍啟剛出席微笑行動慈善晚宴，產後首次出動嘅佢，自然成為全場焦點。
當晚兩夫婦好識做，有問必答，仲爆埋寶貝仔英文名叫 Lawrence。身為金牌運動員嘅晶晶話︰「自己冇特別收身，體重同以前差少少。辛苦就肯定，因為冇得瞓，要朝早 5點幾起身餵人奶。」旁邊嘅啟剛又搭嘴話，自己依家可以一手抱 B，一手餵奶。兩個滔滔不絕，一人一句， sweet到呢！
嫁咗入霍家嘅郭晶晶，的確貴氣唔少，當晚出動嘅藍寶鑽飾搶眼到不得了，果然有霍家大新抱風範。
郭晶晶當晚出動 Blanc de Chine珠片旗袍，前面包到上頸，後面騷靚背，難怪老公霍啟剛全程護實，急急捉老婆入場。
